TIRANË, 18 maj/ATSH/ Komisioneri Shtetëror i Zgjedhjeve, Ilirjan Celibashi miratoi sot tabelën përmbledhëse të rezultateve për zgjedhjen e kryetarit dhe këshillit bashkiak në bashkitë Rrogozhinë dhe Belsh.
Po ashtu, Celibashi shqyrtoi rezultatin e verifikimit të Prokurorit të Përgjithshëm, për subjektin vetëdeklarues Serdar Hoxha, kandidat për deputet i listës shumemërore të Partisë Social Demokrate Qarku Shkodër.
Komisioneri konstatoi se, Serdar Hoxha nuk përfshihet në kushtet e ndalimit për të ushtruar funksionin publik të deputetit.
Gjithashtu, shqyrtoi rezultatin e verifikimit të Prokurorit të Përgjithshëm, për subjektin vetëdeklarues, Rezeart Xhelal Tusha, kandidat për deputet i listës shumemërore të Koalicionit PD – Aleanca për Ndryshim Qarku Durrës.
Komisioneri konstatoi se, Tusha nuk përfshihet në kushtet e ndalimit për të ushtruar funksionin publik të deputetit.
/gj.m/r.e/
