TIRANË, 16 maj /ATSH/ Në bashkinë Fier ka përfunduar numërimi për anëtarët e këshillit bashkiak, ku është shpallur fituese Partia Socialiste.
Sipas të dhënave nga KQZ në këtë bashki janë numëruar të gjitha kutitë e 224 qendrave të votimit.
Nga të dhënat rezulton se Partia Socialiste ka marrë 33 mandate, koalicioni “Bashkë Fitojmë” 7 mandate, Partia Socialdemokrate 5 mandate dhe Partia Demokratike 4 mandate.
Ndërkohë nga 1 mandat në këshill ka marrë Aleanca Liberale e Djathtë dhe Partia Drejtësi, Integrim dhe Unitet.
/m.m/r.e/
