TIRANË, 25 prill/ATSH/ Kryetari i Komisionit të Rithemelimit të Partisë Demokratike, Sali Berisha, dhuroi disa libra për anëtarët e Departamentit “Brain Gain” dhe Ekselencës në PD.
Berisha i bashkohet nismës së veçantë të këtij departamenti “Dhuro një libër, ndriço një mendje”, nismë që synon dërgimin e librave atje ku ka pamundësi financiare.
Departamenti “Brain Gain” i Partisë Demokratike organizoi dy ditë më parë në Ditën Ndërkombëtare të Librit, një mbledhje librash të dhuruar te selia qendrore e PD.
Librat më pas do t’i shpërndajë në vende ku libri nuk shkon, ose shkon me vështirësi.
Kjo është një iniciativë inovative dhe e ndërmarrë nga një departament i përbërë nga studentë apo ish-studentë ekselentë shqiptarë nëpër botë.
Nisma ka për qëllim të nxisë promovimin e kulturës dhe arsimit në vendet ku kjo mundësi është e kufizuar.
PD thekson se, çdokush është i mirëpritur për t’u bërë pjesë e aktivitetit dhe nëse është e mundur të dhurojë libra që ndihmojnë nismën.
/k.s/ /gj.m/r.e/
