PRISHTINË, 20 prill /ATSH/ Gjykata Themelore në Prishtinë ka informuar se ka caktuar masën e paraburgimit prej një muaji për kryeshefin e KEK-ut, Nagip Krasniqi.
Sipas gjykatës, Krasniqi dyshohet se ka kryer veprat penale “Keqpërdorimi i pozitës apo autoritetit zyrtar”, “Ushtrimi i ndikimit” dhe “Keqpërdorimi i pozitës apo autoritetit zyrtar”.
“Gjyqtarja e Procedurës Paraprake kërkesën e Prokurorisë Speciale të Republikës së Kosovës për caktimin e masës së paraburgimit për të pandehurin N.K e ka aprovuar dhe të njëjtit i ka caktuar masën e paraburgimit në kohëzgjatje prej 1 (një) muaji.”, është bërë e ditur në komunikatë.
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.
Kryeshefi i KEK-ut, Nagip Krasniqi është arrestuar dje./KosovaPress/
