PARIS, 6 prill /ATSH-ANSA/ – Franca është rikthyer sot në rrugë kundër reformës së pensioneve.
Tetë ditë pas shpalljes së pritshme të këshillit kushtetues në lidhje me ligjin e kontestuar që parashikon rritjen progresive mosha e daljes në pension nga 62 në 64 vjeç, sindikatat kanë bërë thirrje për një ditë të mobilizimit kombëtar, duke shpresuar edhe një herë për ta detyruar presidentin Emmanuel Macron ta zhbëjë reformën.
Mëngjesin e djeshëm negociatat mes partnerëve socialë dhe kryeministres Elisabeth Borne arritën në rrugë pa krye.
Në takimin e pritshëm që zgjati vetëm 55 minuta në pallatin ”Matignon”, të dyja palët mbetën të vendosura në qëndrimet e tyre.
Borne u kujtoi sindikatave nevojën për këtë reformë, ndërsa sindikatat u kthyen për të kërkuar tërheqjen e saj.
Për sot, shërbimet e inteligjencës parashikojnë nga 600 000 deri në 800 000 demonstrues për një total prej 370 protestash në të gjithë Francën.
Demonstrata të mëdha me mbi 10 000 njerëz priten në qytete të tilla si Tuluzë, Ren, Nantë, Montpelie, Brest, Bordo dhe Grenoblë./ /os/
