HELSINKI, 3 prill /ATSH-ANSA/ – Kryeministra Sanna Marin humbet në zgjedhjet në Finlandë.
Popullariteti i saj nuk mjaftoi për socialdemokratët, të cilët u rrëzuan nga konservatorët.
Në fund të një numërimi, kreu i koalicionit kombëtar Petteri Orpo pretendoi fitoren dhe kryeministrja në largim ia dha atë.
Bën përshtypje edhe bumi i së djathtës ekstreme, e cila bëhet forca e dytë në vend dhe rritet në më të lartat në historinë e saj.
Megjithatë, formimi i qeverisë mbetet një enigmë.
Në votimin për rinovimin e Eduskunta, parlamenti njëdhomësh i Finlandës, me mbi 96% të votave të numëruara, qendra e djathtë vlerësohet se ka marrë 48 vende, nga gjithsej 200, ndërsa partia nacional-populiste dhe euroskeptike e “Finlandezët e vërtetë” e Riikka Purra ka marrë 46.
Partia e kryeministres 37-vjeçare në largim duhet të ketë marrë 43 vende./ /os/
