TIRANË, 27 mars/ATSH/ Ministrja për Europën dhe Punët e Jashtme, Olta Xhaçka zhvilloi sot një takim me presidentin e Republikës së Maqedonisë së Veriut, Stevo Pendarovski.
Xhaçka informoi se në takim u diskutua mbi marrëdhëniet e shkëlqyera dypalëshe dhe rëndësinë e tyre për stabilitetin në Ballkanin Perëndimor.
“Ndamë të njëjtin mendim se BE-ja duhet të vazhdojë të ruajë intensitetin e procesit të integrimit, duke marrë parasysh kontekstin e luftës në Ukrainë dhe kërcënimet ndaj sigurisë dhe stabilitetit të Ballkanit Perëndimor”, theksoi ministrja.
Në kuadër të vizitës zyrtare në Maqedoninë e Veriut, Xhaçka inkurajoi aktorët politikë që të përmbushin angazhimet për t’i hapur rrugë procesit të integrimit.
/m.m/r.e/
