TIRANË, 13 mars/ATSH/ Qendra Kombëtare e Librit dhe Leximit ia ka kushtuar grave aktivitetet e muajit mars.
Sot në mjediset e QKLL u zhvillua një takim, ku u fol mbi gratë që bënë letërsi në Vendet e Ulëta.
Nga koha e Anna Bijns, një prej poetëve të njohura të shekullit 16, Maria Tesselchade, Joost van den Vondel, P.C.Hooft, deri tek Hella S.Hasse, Connie Palmen, Marieke Lucas Rijneveld, historia e autoreve gra në Vendet e Ulëta nis si në të gjitha letërsitë, nga anonimati.
Për peizazhin e jashtëzakonshëm të kësaj letërsie, bashkë me ambasadorin e Holandës në Tiranë, Reinout Vos, njerëz të letrave, studentë, lexuan dhe diskutuan për ndikimin që veprat e këtyre autorëve kanë pasur në kohë, por dhe kënaqësinë e leximit, në kuadër të një cikli takimesh që Qendra Kombëtare e Librit dhe Leximit po realizon përgjatë muajit mars, dedikuar autoreve gra në letërsinë botërore.
Ambasadori Vos zgjodhi të lexonte në gjuhën daneze një fragment nga romani “Pluk” i autores Annie M.G. Schimidt.
/gj.m/r.e/
