TIRANË, 29 janar/ATSH/ Instituti Kombëtar i Trashëgimisë Kulturore, çdo fundjavë, sjell në vëmendje një nga monumentet tona, që ia vlen të vizitohet.
Këtë fundjavë IKTK veçon Fortifikimin e Grazhdanit, i cili gjendet pranë fsahtit Grazhdan, rreth 14 km larg qytetit të Peshkopisë.
Fortifikimi ngrihet mbi një pllajë, në anën e djathtë të Drinit të Zi. Ai renditet ndër kështjellat fushore të ndërtuara, për qëllime ushtarake, në periudhën e antikitetit të vonë (shek. IV m.Kr.).
Fortifikimi me sipërfaqe rreth 34 ha është një ndër qendrat më të mëdha të kësaj periudhe në Shqipëri. Ai mbrohet nga 42 kulla dhe mure me linja të drejta në përgjithësi, me gjerësi deri në 3,5 m.
Vendndodhja e tij strategjike, në nyjën lidhëse midis rrugës Egnatia dhe rrugës Lissus-Naissus, e bën atë një qendër të rëndësishme të antikitetit në vendin tonë.
/gj.m/
