TIRANË, 20 janar /ATSH/ Kryetari i Bashkisë së Tiranës, Erion Veliaj, reagoi mbrëmjen e sotme lidhur me situatën e përmbytjeve në Kosovë.
Veliaj u shpreh se komunikoi sot, në emër të Unionit të Bashkive shqiptare, me kryetarët e Mitrovicës, Skënderajt, Klinës, etj në Kosovë, që po përballen me përmbytje të mëdha.
Veliaj u shprehu atyre solidaritet e përkrahje nga gjithë rrjeti.
“Sapo komunikova në emër të Unionit të Bashkive shqiptare me kryetaret e Mitrovicës, Skënderajt, Klinës etj. në Kosovë që po përballen me përmbytje të mëdha, për t’ju shprehur solidaritet e përkrahje nga gjithë rrjeti ynë!”, shkroi Veliaj në rrjetet sociale.
“Qeveria shqiptare nisi ndihmat e para, Unioni do të ndihmojë gjithashtu!”, theksoi Veliaj.
