TIRANË, 5 janar /ATSH/ Kryeministri Edi Rama ndau sot shifrat e vrasjeve mes vitit 2021 dhe 2022.
Në vitin 2022 kanë ndodhur 30% më pak vrasje sesa një vit më parë. Në vitin 2021 kanë ndodhur 61 vrasje dhe në vitin 2022 kanë ndodhur 43 vrasje.
Rama u shpreh se këto shifra janë “FAKT kuptimplotë që na jep një shembull flagrant të hendekut mes jehonës shurdhuese mediatike dhe realitetit të rënies së vijueshme të krimit. 2022 numri më i ulët i vrasjeve në tre dekadat e fundit”.
“Kujtesë: Kur ne e nisëm përpjekjen kundër krimit vrasjet ishin 112 në harkun e një viti dhe si rregull mesatarja ishte 100 në vit”, shkroi Rama në rrjetet sociale.
“Normale, dihet që më e keqja harrohet shpejt, e mira s’ka fund kurrë dhe nga ana tjetër, padiskutim, ka ende shumë për të bërë”, theksoi Rama.
/r.e/
