BERLIN, 2 dhjetor /ATSH-DPA/ – Gjermania do të dërgojë rreth 100 gjeneratorë në Ukrainë pas dëmeve masive të shkaktuara nga forcat ruse në javët e fundit.
Agjencia federale gjermane për ndihmë teknike ka dorëzuar pothuajse 150 pajisje deri më tani dhe gjithashtu 320 gjeneratorë të tjerë janë duke u përgatitur për transport.
Sulmet ruse janë fokusuar kohët e fundit tek energjia elektrike dhe termocentralet.
Disa nga pajisjet e reja u dërguan direkt në ”Ukrenergo”, ofruesi më i madh ukrainas i energjisë, për të stabilizuar furnizimin me energji, sipas THW.
Gjeneratorë të tjerë do të transportohen në Odesa, Mykolaiv dhe në rajonin e Khersonit.
THW është organizata vullnetare e qeverisë federale për mbrojtjen civile dhe menaxhimin e fatkeqësive.
Sipas informacioneve të saj, ajo ka më shumë se 80 000 vullnetarë./ /as/
