TIRANË, 7 nëntor/ATSH/ Në Kuçovë ka nisur vaksinimi falas kundër gripit, i garantuar nga Ministria e Shëndetësisë dhe Mbrojtjes Sociale.
Ministria e Shëndetësisë dhe Mbrojtjes Sociale bëri të ditur se kombinimi i vaksinës së gripit dhe vaksinës kundër COVID-19, rekomandohet gjatë muajve të dimrit për imunizimin e personave me risk të lartë si: grupmoshat mbi 60 vjeç, personeli shëndetësor, gratë shtatzëna si dhe personat me sëmundje kronike.
MSHMS i bëri thirrje qytetarëve që krahas vaksinimit anti-COVID, të mos neglizhojnë dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.
Në qendrat shëndetësore në gjithë vendin po vijon paralelisht vaksinimi i qytetarëve kundër gripit dhe COVID-19.
/j.p/r.e/
