TIRANË, 22 shtator/ATSH/ Korporata Elektroenergjetike Shqiptare (KESH) bëri të ditur se ka përfunduar rehabilitimin e dy portave të shkarkimit dhe pajisjeve komanduese në digën e Zadejës, në hidrocentralin e Vaut të Dejës.
Ndërkohë, sipas KESH-it, vazhdon intensivisht puna në digën e Qyrsaqit për instalimin e portave të remontit, më pas do të mundësohet rehabilitimi i tri portave të shkarkimit.
Ky rehabilitim po kryhet me financim të bankës gjermane KfW. Investimet synojnë të rrisin sigurinë e operimit dhe menaxhimin e prurjeve në situata kritike në HEC-in e Vaut të Dejës.
/j.p/r.e/
