TIRANË, 16 shtator/ATSH/ Sekretari i Përgjithshëm i Partisë Socialiste, Damian Gjiknuri uroi sot Fatos Nanon, në 70-vjetorin e lindjes.
“Lideri historik që gjithmonë dëshmoi përgjegjësi e maturi në udhëheqjen e Partinë Socialiste drejt fitoreve duke dhënë gjithçka nga vetja për Shqipërinë në momentet më kritike. Një urim edhe në emër të të gjithë atyre që i kanë dhënë e vazhdojnë t’i japin akoma familjes sonë politike”, shkruan ai.
Edhe kryetari i grupit parlamentar të Partisë Socialiste, Taulant Balla uroi me rastin e 70-vjetorit të lindjes liderin historik të PS-së, Fatos Nano.
Krahas një fotoje të shpërndarë në rrjetet sociale, Balla shpreh mirënjohjen ndaj liderit të parë të PS-së.
Një ditë më parë në sallën e Kuvendit, Balla replikoi me deputetin e PD-së, Edmond Spaho.
Sipas Ballës, Nano ka vënë një standard që do të ishte mirë që Sali Berisha ta kishte ndjekur, standardi i largimit nga partia sa ishte ende në kohë. “Kur ikën, ikën”, tha Balla.
/m.m/r.e/
