TIRANË, 22 gusht/ATSH/ Pastrimi i territorit vijon të mbetet prioritet i bashkisë së Lezhës, e cila veç qytetit e zonës bregdetare është fokusuar edhe në pastrimin përgjatë akseve rrugore.
Kryetari i bashkisë Lezhë, Pjerin Ndreu ndau sot foto në rrjetet sociale nga aksioni i pastrimit territorit, i cili është shtrirë edhe përgjatë vijës bregdetare.
Sipas Ndreut, kjo është një punë e përditshme për të mbajtur një ambient të pastër.
Mbulimi me shërbim i gjithë territorit, frekuenca e shtuar e pastrimit në raport me mbetjet që gjenerohen, si dhe vëmendja e veçantë që i kushtohet plazheve të Shëngjinit dhe Tales gjatë sezonit veror, ka bërë të mundur që Lezha të jetë gjithnjë e më e pastër.
Po ashtu, një sistem tërësisht i ri për menaxhimin e mbetjeve po zbatohet në çdo njësi administrative të bashkisë së Lezhës.
/m.m/r.e/
