TIRANË, 22 korrik /ATSH/ 46 peshkatarë shqiptarë do të modernizojnë varkat e tyre falë mbështetjes së Bashkimit Evropian.
Delegacioni i BE në Tiranë bëri të ditur sot se, me grantet e dhëna dje në portin e Shëngjinit, ata do të mund të blejnë pajisje për lundrimin dhe sigurinë, sigurinë ushqimore, përmirësimin e peshkimit dhe uljen e ndotjes mjedisore të mjeteve lundruese.
Nëpërmjet programit “Fishing Blue”, me një buxhet prej 1.5 milionë eurosh, Bashkimi Evropian angazhohet të mbështesë sektorin e peshkimit shqiptar të bëhet i qëndrueshëm ekonomikisht, të respektojë mjedisin dhe të jetë një burim i rëndësishëm ushqimi të shëndetshëm për konsumatorët, thekson Delegacioni i BE.
/r.e/
