PODGORICE, 2 korrik /ATSH-AA/ – Rastet me COVID-19 janë rritur me 130 për qind në dy javët e fundit në Malin e Zi.
Në një deklaratë nga Instituti Shëndetësor i Malit të Zi thuhet se ”rastet me COVID-19 janë rritur në vend, veçanërisht në bregdet për shkak të sezonit turistik ndërsa numri i përgjithshëm i rasteve është 1 367”.
Pas rritjes prej 130 për qind të rasteve me COVID-19, institucionet shëndetësore kërkuan nga qeveria malazeze vendosjen e maskave në zonat e mbushura me njerëz.
Ministria e Shëndetësisë u bëri thirrje kategorisë së rrezikuar të qytetarëve që të marrin vaksinën kundër COVID-19./ a.jor.
