ATHINË, 9 qershor /ATSH-ANA/ – Greqia regjistroi rastin e parë të virusit të lisë së majmunit, tha Organizata Kombëtare e Shëndetit Publik (EODY) në një deklaratë.
”Pacienti, i cili së fundmi kishte udhëtuar drejt Portugalisë, është në gjendje të qëndrueshme në spital”, sipas EODY.
Mostrat u dërguan në Laboratorin e Mikrobiologjisë të Fakultetit të Mjekësisë të universitetit ”Aristotel” të Selanikut (AUTH) për të konfirmuar se ”gjenomet i përkasin virusit të lisë së majmunit”./ /os/
