TIRANË, 1 qershor /ATSH/ INSTAT dhe UNICEF në Shqipëri nënshkruan sot në Tiranë, Marrëveshjen e Bashkëpunimit mbi Anketën e Grupimit të Treguesve të Shumëfishtë (MICS).
Marrëveshja u nënshkrua nga drejtoresha e INSTAT, Elsa Dhuli dhe dr. Roberto De Bernardi, përfaqësuesi i UNICEF-it në Shqipëri.
Dhuli përmes një postimi në rrjetet sociale tha se, “kjo marrëveshje shpreh rolet dhe përgjegjësitë teknike për realizimin e suksesshëm të MICS-it në vitin 2024”.
Sipas saj, MICS-i 2024 do të gjenerojë të dhëna mbi mirëqenien e grave dhe fëmijëve, për të mundësuar vlerësimin e situatës së tyre, dhe gjurmimin e progresit të zbatimit të OZHQ-ve në Shqipëri.
“Përmbushja e këtij synimi është i mundur vetëm përmes mbështetjes së shumë institucioneve shtetërore dhe partnerëve”, u shpreh Dhuli.
/r.e/
