TIRANË, 3 prill/ATSH/- Shërbimi Meteorologjik Ushtarak bën të ditur edhe për ditën e sotme vendi ynë do të vijojë të jetë nën ndikimin e kushteve të paqëndrueshme atmosferike.
Moti parashikohet me vranësira mesatare dhe të dendura, por nuk do të mungojnë intervalet e herëpashershme dhe të shkurtra me diell.
Parashikohen reshje shiu të herëpashershme me intensitet të ulët dhe mesatar në të gjithë territorin.
Lokalisht dhe në periudha afatshkurtra, parashikohen reshjet me intensitet deri të lartë në formën e rrebesheve dhe stuhive shoqëruar me shkarkesa elektrike dhe breshër.
Në zonat malore reshjet do të jenë në formën e dëborës me intensitet të ulët deri mesatar.
Era do të fryjë mesatare deri dhe e fortë nga kuadrati i jugut në të gjithë bregdetin dhe zonat luginore me shpejtësi mesatare 2-8m/s dhe maksimale 10-15m/s duke sjellë dallgëzim në dete të forcës 3 deri 5 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 5/14 | Re shi |
| Kukës | 3/9 | Re shi /borë |
| Lezhë | 4/15 | Re shi |
| Dibër | 1/7 | Re shi /borë |
| Durrës | 6/16 | Re shi |
| Tiranë | 6/14 | Re shi |
| Elbasan | 3/15 | Re shi |
| Berat | 5/17 | Re shi |
| Vlorë | 5/14 | Re shi |
| Korçë | 0/8 | Re shi/ borë |
| Gjirokastër | 5/13 | Re shi |
| Sarandë | 5/13 | Re shi |
