MOSKË, 28 shkurt /ATSH-DPA/ – Bisedimet e paqes midis qeverive të Kievit dhe Moskës për konfliktin në Ukrainë priten të fillojnë sot në mëngjes, sipas raporteve të ”Ukrayinska Pravda”.
Ata fillimisht duhej të fillonin dje.
Një burim anonim tha se çështjet logjistike për delegacionin ukrainas ishin arsyeja e vonesës.
”Delegacioni rus tashmë është larguar nga kryeqyteti i Bjellorusisë, Minsk dhe ka udhëtuar drejt kufirit ukrainas-bjellorusi, pranë lumit Pripyat, ku ishte caktuar të mbahej takimi”, sipas raportimeve.
Ukraina ra dakord të nisë bisedimet e paqes me Rusinë të dielën, edhe pse beteja u zhvilluan në qytetet kryesore dhe presidenti rus Vladimir Putin ngriti perspektivën e një përshkallëzimi bërthamor me Perëndimin.
“Unë nuk besoj në një rezultat të këtij takimi, por le të përpiqemi”, tha presidenti ukrainas Volodymyr Zelensky./ a.jor.
