TIRANË, 16 shkurt/ATSH/ Autoriteti Rrugor Shqiptar informoi sot mbi situatën e rrugëve në kushtet e reshjeve me intesitet të ulët, që kanë përshkuar vendin.
ARRSH siguroi se grupet e punës me mjete dhe punëtorë janë në çdo rrugë nacionale për të siguruar qarkullim normal.
“Në akset: Spot-Kam, Valbonë, Qafë Bualli-fillimi i Rrugës së Arbrit, Vau i Dejës-Qafë Qelë ka pasur rënie gurësh e inertesh në trup të rrugës, të cilat janë pastruar nga kontraktori i murëmbajtjes”, thuhet në njoftim.
Po ashtu, në Qafë Thore, në zonën e tuneleve, si pasojë e erës së fortë ka pasur rënie të një orteku dhe po punohet për hapjen e këtij segmenti.
/m.m/j.p/r.e/
