TIRANË, 10 shkurt /ATSH/ Ambasadori i Gjermanisë në Tiranë, Peter Zingraf përshëndeti sot votimin në Kuvend për zgjatjen e mandatit të organeve të Vetingut.
“Parlamenti shqiptar ka shprehur sot në mënyrë të qartë vullnetin e tij për të ecur përpara drejt anëtarësimit në BE”, u shpreh Zingraf nëpërmjet një reagimi.
“Përgëzoj të gjithë deputetët, që votuan për vijimin dhe përmbylljen e procesit të verifikimit të të gjithë gjykatësve dhe prokurorëve, e kësisoj për Reformën në Drejtësi dhe shtetin ligjor”, theksoi ai.
“Përshëndes faktin që pjesë të opozitës parlamentare mundësuan këtë vendim me shumicë të cilësuar, duke e mbështetur atë në mënyrë konstruktive. Kjo është një votë për të ardhmen e Shqipërisë në Bashkimin Evropian”, u shpreh Zingraf.
/j.p/r.e/
