TIRANË, 21 dhjetor/ATSH/ Kryeministri Edi Rama priti sot në ambientet e Pallatit të Brigadave, Kryeministrin e Maqedonisë së Veriut, Zoran Zaev dhe Presidentin e Serbisë, Aleksandar Vuçiç.
Tre liderët zhvillojnë sot në Tiranë takimin e radhës në kuadër të “Open Balkan”.
Pas pritjes zyrtare pritet edhe nisja e seancës plenare me fjalën hyrëse të Kryeministrit Edi Rama.
Ndërkohë në orën 10:45 do të zhvillohen diskutimet e liderëve për të ardhmen e Axhendës së “Open Balkan” dhe në orën 11:30 ceremonia e nënshkrimit të marrëveshjeve.
Në orën 12:00 do të mblidhet Forumi i Agrikulturës dhe Kooperimit Rajonal. Ndërsa në orën 13:00 parashikohet një konferencë për shtyp.
/m.m/
