TIRANË, 13 dhjetor /ATSH/ Kala Fest rikthehet në Dhërmi verën e ardhshme me 5 javë në qershor e në shtator.
Kështu, perla e jugut bëhet epiqendra e të rinjve nga e gjithë Evropa me festivalet dhe organizimet fantastike.
Lajmin e dha ministrja e Turizmit dhe Mjedisit, Mirela Kumbaro, e cila zhvilloi një takim me organizatorët e “Kala Fest”.
Kumbaro u shpreh se kësaj radhe, shtohet mjedisi dhe riciklimi, me një program të gjelbër.
“Vera s’është edhe aq larg dhe Kala Fest rikthehet në Dhërmi. Ma njoftuan lajmin e bukur organizatorët energjikë të këtij eventi që këtë vit do të zhvillohet për 5 javë në qershor e në shtator”, shprehet Kumbaro në një reagim.
“Ka një risi kësaj radhe: shtohet mjedisi dhe riciklimi me një program të gjelbër, sepse edhe në festa s’duhet harruar rëndësia e ruajtjes së natyrës”, thekson Kumbaro.
“Perla e jugut bëhet epiqendra e të rinjve nga e gjithë Evropa me festivalet dhe organizimet fantastike. Prisni e duroni ç’do shikoni”, thotë Kumbaro.
/j.p/r.e/
