TIRANË, 13 dhjetor/ATSH/ Plani Kombëtar i Pastrimit po vijon me intensitet në çdo bashki të vendit.
Kryeministri Edi Rama ndau sot foto nga aksioni i pastrimit në disa bashki, ndërsa theksoi se pastrimi i vendit është patriotizëm.
“Si mund të jesh patriot dhe të mos kesh gajle të përdhosësh vendin e fëmijëve të tu, duke hedhur plehra kudo mu përpara syve të tyre”, tha Rama.
Kryeministri përcolli momente nga pastrimi në Shkodër, Pukë, Lushnjë, Kukës, Dibër, Memaliaj, Tepelenë dhe Libohovë.
Plani i Veprimit për pastrimin rrënjësor të Shqipërisë nisi më 7 nëntor në Vlorë dhe po përfshin të gjitha qytetet e vendit.
/r.e/
