Veliaj uron kryetarin e ri të Prishtinës, Përparim Rama

TIRANË, 7 dhjetor /ATSH/ Përparim Rama është betuar sot si kryetari i ri i komunës së Prishtinës, duke nisur zyrtarisht nga puna.

Përmes një reagimi kryetari i bashkisë së Tiranës, Erion Veliaj ka uruar kolegun e tij të ri nga Prishtina për marrjen e detyrës.

“Shpend Ahmeti e transformoi Prishtinën në një vend funksional, të pastër, plot jetë – thënë troç, e vendosi në hartën e qyteteve moderne. Bravo mik! Sot e merr stafetën, miku ynë i përbashkët Përparim Rama për ta çuar akoma më tej punën e nisur! Suksese dhe të priftë e mbara”, shprehet Veliaj.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.