TIRANË, 27 tetor/ATSH/ Një delegacion me përfaqësues nga qyteti i Lübeck në Gjermani vizitoi sot Sarandën.
Gjatë vizitës në qytetin bregdetar ata u pritën në takim nga kryetari i bashkisë, Ardian Gurma.
Kryebashkiaku Gurma bëri të ditur se në takim u diskutua mbi mundësitë për ndërtimin e marrëdhënieve të ndërsjella mes dy qyteteve.
“Gjithashtu u diskutua edhe mbi ecurinë e punëve të bashkisë Sarandë në drejtim të menaxhimit të integruar të mbetjeve, sistemin e kanalizimeve dhe mbi modernizimin e shërbimit të ndarjes në burim të mbetjeve”, tha Gurma.
Saranda falë investimeve të kryera po kthehet në polin më të rëndësishëm të turizmit në jugun e vendit.
/k.s/a.a/r.e/
