TIRANË, 1 tetor/ATSH/ Këshilli bashkiak i Durrësit miratoi sot listën e familjeve përfituese të ndihmës ekonomike nga fondi i kushtëzuar për bllok ndihmën ekonomike deri 6 % dhe fondi nga të ardhurat e bashkisë, për muajin shtator 2021.
Në mbledhjen e tij këshilli bashkiak u miratua gjithashtu ndryshimi i vendimit të këshillit bashkiak nr. 76, datë 28.06.2021 përsa i përket listës së përfituesve nga programi i procesit të rindërtimit për pallatin nr. 458, rruga “Bajram Tusha”, Durrës, i dëmtuar nga fatkeqësia natyrore e tërmetit të datës 26 nëntor 2019.
Po ashtu u miratua përdorimi i fondit prej 3.600.000 lekë për objektin “Studim projektim për rikonstruksionin e rrugës “Adria” nga rotonda e urës së dajlanit deri tek rotonda pranë stacionit të trenit”, kursyer nga procedura e prokurimit me objekt “rikonstruksion rruga “Papa Klementi i dytë”.
Këshilli bashkiak Durrës miratoi prishjen e detyruar të godinës, që i përket shkollës së mesme “Naim Frashëri”, të shkollës fillore, cikli i ulët (kopsht) Bizë, të shkollës 9-vjeçare dhe kopshti “Eftali Koçi”, të shkollës së mesme “Gjergj Kastrioti”, të shkollës së mesme “Bernardina Qeraxhia” dhe të shkollës së mesme “Olsi Lasko”, të cilat do të rindërtohen nga e para.
Po ashtu u miratuan ndryshimet e VKB-së nr. 64, datë 07.07.2020 përsa i përket listës emërore të familjeve përfituese të grantit për rikonstruksionin e banesave të dëmtuara si pasojë e dëmeve të shkaktuara nga fatkeqësia natyrore e tërmetit të datës 26 nëntor 2019, si dhe u miratuan ndryshimet përsa i përket ndryshimit të listave emërore të familjeve përfituese të grantit për rikonstruksionin e banesave të dëmtuara si pasojë e dëmeve të shkaktuara nga fatkeqësia natyrore e tërmetit të datës 26 nëntor 2019, për shkak të ndryshimit të kategorisë së dëmit të shkaktuar.
Njëkohësisht u miratua lista e gjashtë e 38 subjekteve përfituese, të cilët do të përfitojnë masën e grantit të rindërtimit të banesave individuale të dëmtuara nga tërmeti i datës 26 nëntor 2019, sipas projektit model, lista e përfituesve, që do të përfitojnë nga programi i procesit të rindërtimit për banesat individuale në njësitë administrative nr. 4 e 5, si dhe njësisë administrative Sukth, bashkia Durrës, të dëmtuara nga fatkeqësia natyrore e tërmetit të datës 26 nëntor 2019.
Në mbledhjen e Këshillit Bashkiak të Durrësit u miratuan edhe një sërë vendimesh të tjera.
/k.s/a.a/r.e/
