TIRANË, 29 shtator/ATSH/ Ministrja e Shëndetësisë dhe Mbrojtjes Sociale, Ogerta Manastirliu zhvilloi sot një takim me presidentin e Urdhrit të Mjekut dr. Fatmir Brahimaj.
Manastirliu u shpreh se, në këtë takim u diskutua mbi përmirësimin e sistemit të regjistrit kombëtar të mjekëve dhe lehtësimin e mëtejshëm të procedurave për licensimin e mjekëve në kuadër të inkuadrimit të shpejtë të mjekëve të rinj në sistem nëpërmjet portalit “Mjekë për Shqipërinë”.
“Gjithmonë kënaqësi të takoj presidentin e Urdhrit të Mjekut dr. Fatmir Brahimaj dhe ekipin e tij, për të forcuar urat e bashkëpunimit mes dy institucioneve dhe për të ndërtuar planet e përbashkëta të punës me qëllim fuqizimin e rolit të mjekut, rritjen e performancës në funksion të përmirësimit të cilësisë së shërbimit për qytetarët”, u shpreh ministrja Manastirliu.
“Diskutuam gjithashtu mbi përmirësimin e sistemit të regjistrit kombëtar të mjekëve dhe lehtësimin e mëtejshëm të procedurave për licensimin e mjekëve në kuadër të inkuadrimit të shpejtë të mjekëve të rinj në sistem nëpërmjet portalit Mjekë për Shqipërinë”, theksoi Manastirliu.
/j.p/r.e/
