BRUKSEL, 6 shtator /ATSH-ANSA/ – Personat me sistem imunitar të dobësuar rëndë, të cilët nuk arrijnë një nivel të përshtatshëm të mbrojtjes nga vaksinimi i tyre standard mund të kenë nevojë për një dozë” shtesë “, si pjesë e vaksinimit të tyre parësor, deklaroi sot Agjencia Evropiane e Barnave (EMA).
“Dozat përforcuese u jepen të vaksinuarve, të cilët kanë përfunduar vaksinimin parësor, për të rikthyer mbrojtjen nëse ka rënie të saj”, shpjegoi EMA.
Rregullatori evropian ka filluar të vlerësojë një aplikim për përdorimin e një doze përforcuese të vaksinës Comirnaty (Pfizer -BioNTech), që do të administrohet gjashtë muaj pas dozës së dytë, te personat e moshës 16 vjeç e lart.
Vlerësimi do të bëhet në bazë të të dhënave të paraqitura nga kompania farmaceutike dhe rezultati pritet “brenda javëve të ardhshme, përveç nëse kërkohet informacion shtesë”./ /ervo/
