TIRANË, 30 gusht /ATSH/ Sistemi bankar po shfaq ecuri mjaft pozitive në kreditimin e individëve.
Banka e Shqipërisë bën të ditur se, gjatë muajit korrik të këtij viti kredia për individët u rrit me 39 %, krahasuar me të njëjtën periudhë të vitit të kaluar.
Kredia për individët po mbështetet sidomos nga një kërkesë mjaft e lartë për të investuar në pasuri të paluajtshme.
Ndërsa normat e ulëta të interesit dhe gatishmëria e bankave për të financuar në këtë segment ka nxitur individët të marrin hua për të investuar, kryesisht në banesa dhe sipërmarrje të reja biznesi.
Në fund të 7-mujorit, portofoli total i kredisë për individët është rritur me 58 %, me bazë vjetore. Ndërsa totali i kredisë për ekonominë arriti vlerën 133.6 miliardë lekë.
/a.a/r.e/
