UASHINGTON, 19 gusht /ATSH-DPA/ – Ushtria amerikane tani ka rreth 5 200 ushtarë të vendosur në aeroportin e Kabulit, njoftoi sot një përfaqësues i Departamentit amerikan të Mbrojtjes.
Brenda pak ditësh, mund të ketë deri në 6 000 ushtarë në aeroport.
Trupat janë vendosur për të siguruar sigurinë e aeroportit, si edhe për të lejuar evakuimin e amerikanëve dhe ish-punonjësve afganë të forcave amerikane.
Ushtria amerikane shtoi se ka zhvendosur më shumë se 2 000 persona nga Kabuli në 24 orët e fundit, dhe rreth 7 000 që kur filloi operacioni i evakuimit të shtunën.
“Talebanët e dinë se, nëse ndërmarrin sulme kundër qytetarëve amerikanë ose ushtrisë amerikane, ne do t’i godasim sërish”, tha presidenti amerikan, Joe Biden, i pyetur në një intervistë me ABC News për sulmet e mundshme të talebanëve në operacionet e evakuimit./ /ervo/
