KIEV, 9 gusht /ATSH-DPA/ – Kancelarja gjermane Angela Merkel pritet në Kiev për bisedime me kryeministrin ukrainas Volodymyr Zelensky, më 22 gusht, njoftoi zëdhënësi i tij sot në një postim në Facebook.
“Të dy liderët planifikojnë të diskutojnë për sigurinë dhe marrëdhëniet dypalëshe, mes çështjeve të tjera”, shkruhet në postim.
Në mediet ukrainase ka gjithashtu spekulime se ata do të trajtojnë edhe çështjen e gazsjellësit të diskutueshëm Nord Stream 2.
Berlini ka mbështetur perspektivën e kompensimit të Ukrainës për humbjen e pritshme të të ardhurave.
Zëdhënësja e qeverisë gjermane, Ulrike Demmer, nuk i konfirmoi planet e bisedimeve në Kiev, duke u shprehur se ato do të shpallen në një datë të mëvonshme./ /ervo/
