TEL AVIV, 9 gusht /ATSH-DPA/ – Duke pasur parasysh rritjen e numrit të infeksioneve me koronavirus, kufizime të reja shëndetësore hynë në fuqi sot në Izrael.
Maskat janë përsëri të detyrueshme për ngjarjet në natyrë me më shumë se 100 pjesëmarrës.
Ngjarjet me më pak se 100 pjesëmarrës tani mund të ndiqen vetëm nga ata që janë të vaksinuar, personat e shëruar ose nga ata me një rezultat negativ të testit të koronavirusit.
Fëmijët, gjithashtu, tani duhet të tregojnë një rezultat negativ të testit.
Numri i infeksioneve të reja të koronavirusit të raportuara në Izrael brenda një dite tashmë ka tejkaluar shifrën prej 3 000 personash për disa ditë rresht.
Vendi gjithashtu ka nivele të reja të pacientëve Covid-19 të sëmurë rëndë.
Siç njoftoi sot Ministria e Shëndetësisë, 348 pacientë të sëmurë rëndë u trajtuan dje në spitale, përfshirë 71 në gjendje kritike.
Vetëm rreth 58 për qind e popullsisë është plotësisht e vaksinuar dhe më shumë se 422 000 njerëz kanë marrë një dozë të tretë përforcuese./ a.jor.
