PRISHTINË, 21 korrik /ATSH/ Gjatë 24 orëve të fundit janë shënuar pesë raste të reja me COVID-19 nga 358 teste të kryera. Në këtë periudhë nuk është regjistruar asnjë rast vdekje.
Nga rastet pozitive, dy janë nga Fushë Kosova, dy nga Klina dhe një nga Mitrovica.
Gjatë 24 orëve të fundit janë shëruar 8 pacientë nga komunat: Prishtinë 3, Pejë 2, Junik, Gjilan dhe Gjakovë me nga një rast shërimi.
Numri i përgjithshëm i të shëruarve është 105 557 ndërsa në total numri i rasteve aktive është 104.
