TIRANË, 8 qershor /ATSH/ Operatori i Shpërndarjes së Energjisë Elektrike (OSHEE), njofton se në vijim të punimeve për investimin që po kryhet për rikonstruksionin e kabinave, nesër, 9 qershor do të punohet në dy kabina të një nga fiderat e NST Traktora gjatë segmentit kohor 09:00-16:00.
Investimet, sipas OSHEE, po kryhen me qëllim përmirësimin e furnizimit me energji për konsumatorët.
OSHEE njoftoi sot se ditën e nesërme do të ketë ndërprerje të energjisë elektrike në disa zona në Tiranë për shkak të remontit të planifikuar në fiderat e nënstacionit Traktora.
“Pa energji do të mbeten këto zona në Tiranë: Pjesërisht: rruga “Ilia Shyti”, rruga “Leandro Zoto”, rruga “Sterjo Spase”, rruga “Violeta Manushi”, rruga “Genci Leka”, rruga “Sali Ceka”, rruga “Vangjush Miho””, bën të ditur OSHEE.
/j.p/r.e/
