TIRANË, 24 maj /ATSH/ Shpenzimet e bankave për interesa shënuan në fund të 3-mujorit të parë 2021 nivelin më të ulët në dhjetë vitet e fundit.
Banka e Shqipërisë bën të ditur se shpenzimet për interesat e depozitave kishin vlerën 1.76 miliardë lekë, ose 14 % më pak krahasuar me të njëjtën periudhë të një viti më parë.
Sipas Bankës së Shqipërisë, në fund të muajit mars interesi mesatar i depozitave dhe llogarive të individëve në lekë ishte 0.2 %, ndërsa në euro 0.03 %.
Banka e Shqipërisë bën të ditur se, rënia e shpenzimeve për interesat, shpjegohet me strukturën e depozitave bankare që po orientohet drejt kursimeve në llogari pa afat.
Në fund të muajit mars, llogaritë dhe depozitat pa afat përbënin më shumë se 60 % të depozitave, nga 55 % që përbënin një vit më parë.
/r.e/
