ROMË, 21 maj /ATSH-ANSA/ – Vlerësohet se çdo vit ka mijëra raste të reja të leuçemisë akute, një kancer në gjak që fillon në palcën e kockave ku ”prodhohen” shumica e qelizave të reja të gjakut në trupin e njeriut.
Qelizat e sëmura eliminojnë qelizat e shëndetshme dhe lëvizin në qarkullimin e gjakut ku mund të përhapin kancerin në pjesë të tjera të trupit.
Mosha mesatare në diagnozë është 72 vjeç dhe prognoza e AML progresivisht përkeqësohet me moshën.
Ekziston gjithashtu një tolerancë e reduktuar për kimioterapinë intensive me moshën e pacientëve.
Një ilaç specifik për këtë gjendje ka qenë së fundmi i disponueshëm.
Ai është një formulim novator liposomal i përbërë nga dy molekula, daunorubicina dhe citarabina, të cilat lirohen me një raport molar fiks dhe sinergjik.
Është kimioterapia e parë që demonstron një avantazh të përgjithshëm të mbijetesës mbi standardin aktual të trajtimit.
Ky ilaç përfaqëson një mundësi specifike të trajtimit të kimioterapisë për pacientët e rritur me t-AML ose AML-MRC.
Ky ilaç mori përcaktimin e ilaçeve orfago (ODD) nga Komisioni Europian në janar 2012, me konfirmimin e ODD në korrik 2018 pas vlerësimit nga Komiteti për Produktet Medicinale (EMA-COMP) dhe Administrata e Ushqimit dhe Barnave e SHBA.
Në gusht 2018, Komisioni Europian miratoi këtë ilaç për trajtimin e të rriturve me t-AML ose AML-MRC të sapo diagnostikuar në të gjitha shtetet anëtare të BE-së. /os/
