MADRID, 18 maj /ATSH-ANSA/ – Spanja është sërish nën pragun e “rrezikut të lartë” në lidhje me infeksionet nga COVID-19.
Sipas të dhënave më të fundit nga Ministria e Shëndetësisë, incidenca e rasteve të reja pozitive ra nën 150 për 100 000 banorë, duke u ndalur në 147,5.
Kjo është hera e parë që nga fundi i marsit që vendi iberik gjendet në një situatë të “rrezikut të mesëm”, sipas parametrave të vendosur nga autoritetet kombëtare të shëndetit.
Që nga fillimi i pandemisë, 3,6 milionë raste dhe 79 502 vdekje janë raportuar në vend./ /ervo/
