Gjermanët mendojnë se është e gabuar heqja e të gjitha kufizimeve për të vaksinuarit

BERLIN, 15 maj /ATSH-DPA/- Një shumicë e konsiderueshme e gjermanëve besojnë se do të ishte e gabuar të hiqen të gjitha kufizimet e lidhura me koronavirusin për njerëzit që konsiderohen plotësisht imunë, sipas një studimi të fundit nga YouGov.

Instituti i sondazhit zbuloi se 32% e njerëzve thanë se asnjë grup nuk duhet të marrë ndonjë përfitim derisa të gjithë të kenë pasur mundësinë të vaksinohen dhe 21% thanë që njerëzit e vaksinuar plotësisht dhe të shëruar nuk duhet të trajtohen ndryshe nga të pavaksinuarit.

”Vetëm 39% e njerëzve mendojnë se kufizimet duhet të hiqen, ndërsa 8% nuk ​​specifikuan mendimin e tyre”, sipas YouGov.

Të dhënat e përdorura u bazuan nga një sondazh në internet të kryer nga e hëna deri të mërkurën në të cilën morën pjesë 2 049 njerëz.

Gjermania ka hequr kufizimet në kontaktin fizik dhe një shtetrrethim natën për personat e vaksinuar plotësisht dhe udhëtimi është gjithashtu më i lehtë për ta pasi ata përballen me disa rregulla karantine kur kthehen në Gjermani.

Sipas Institutit Robert Koch (RKI), rreth 8,8 milionë njerëz (10,6%) janë vaksinuar plotësisht deri më tani, ndërsa rreth 29,9 milionë njerëz (35,9%) kanë marrë dozen e parë./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.