NJU DELHI, 11 maj /ATSH-DPA/ – Të paktën 11 pacientë me Covid-19 kanë vdekur në një spital në Indinë e Jugut pas një ndërprerje të furnizimit mjekësor me oksigjen, deklaruan zyrtarët .
”Incidenti ndodhi në një spital shtetëror në Andhra Pradesh, për shkak të një vonese në mbërritjen e një cisterne që mbante furnizime me oksigjen”, njoftoi gazeta ”Indian Express”.
Zyrtari i lartë, Hari Narayanan, mohoi akuzat e familjeve të pacientëve të cilët thanë se furnizimi me oksigjen në njësinë e kujdesit intensiv u ndërpre për gati 45 minuta.
Autoritetet shtetërore kishin urdhëruar një hetim mbi aksidentin edhe pse zyrtarët pranuan që kriza ishte shkaktuar sepse cisterna arriti me vonesë.
Vdekjet u raportuan në një kohë kur India po lufton me një valë vdekjeprurëse të dytë të Covid-19 dhe mungesa mjekësore e oksigjenit është shfaqur si një sfidë e madhe. /os/
