FRANKFURT, 10 maj /ATSH-AFP/ – Laboratori gjerman BioNTech njoftoi sot krijimin në Singapor të një uzine për prodhimin e ARNm, nga e cila do të mundësohen disa qindra milionë doza të vaksinës kundër COVID-19.
BioNTech parashikon krijimin e një strukture për prodhimin e ARNm kryesisht të integruar në Singapor për të qenë në gjendje për t’i bërë ballë sa më shpejt rreziqeve potenciale të pandemisë nëse është e nevojshme, sipas një komunikate.
Kompania e Mayence, aleate me american Pfizer në zhvillimin e vaksinës, gjithashtu synon të vendosë selinë e saj qendrore për Azinë juglindore në Singapor.
Në varësi të marrjes së miratimit të nevojshëm, BioNTech pret që faqja e ardhshme, me prodhim shumë të automatizuar të ARNm, të jetë operative në 2023 dhe të krijojë deri në 80 vende pune në Singapor.
Për BioNTech bëhet fjalë prë uzinën e parë të vendosur jashtë Europës, pas asaj në Marbourg, në Gjermani.
“Të kesh nyje të ndryshme në rrjetin tonë të prodhimit është një hap i rëndësishëm strategjik në zgjerimin e pranisë sonë globale”, theksoi Ugur Sahin, CEO dhe bashkë-themelues i BioNTech, në një deklaratë.
Hapja e një dege BioNTech në Azinë juglindore përfaqëson një hap të mëtejshëm në zgjerimin ndërkombëtar të ndërmarrjes së bioteknologjisë pas hapjes së një selie amerikane në Kembrixh, Massachusetts.
BioNTech konfirmoi javën e kaluar se mund prodhojë deri në 3 miliardë doza këtë vit dhe më shumë se 3 miliardë vitin e ardhshëm./ /ec/
