BERLIN, 10 maj /ATSH-DPA/ – Prodhuesi gjerman i vaksinave BioNTech do të paraqesë sot rezultatet e tij për tremujorin e parë të 2021.
Në muajt e fundit, kërkesa globale për vaksinën Covid-19 të prodhuar nga BioNTech me partnerin e saj amerikan Pfizer ka transformuar të dhënat financiare të kompanisë.
Në tremujorin e katërt, BioNTech raportoi një fitim neto prej 366,9 milion euro (446,2 milion dollarë), krahasuar me një humbje neto prej 58,2 milion euro në të njëjtin tremujor të vitit paraprak.
Por, shqetësimet e kohëve të fundit në lidhje me humbjen e mundshme të të drejtave të patentës kanë shkaktuar bujë midis aksionerëve.
Të mërkurën, qeveria amerikane mbështeti çuditërisht një iniciativë globale për të pezulluar përkohësisht të drejtat e patentës në vaksinat Covid-19 në mënyrë që të promovojë ndalimin e pandemisë.
Qeveritë e tjera, për shembull në Gjermani, janë kundër një lëvizjeje të tillë, duke thënë se nuk ka gjasa të prishë prodhimin global. /os/
