TIRANË, 23 mars /ATSH – I. Vata/ Bashkia e Dibrës vazhdon punën për pastrimin e rrugëve rurale nga akulli dhe bora.
Ekipet dhe mjetet e bashkisë Dibër janë në terren dhe bënë të mundur hapjen e rrugës së njësisë administrative Selishtë, si dhe vazhdojnë punë në njësitë administrative Arras, Luzni.
Lajmi bëhet i ditur nga bashkia Dibër e cila njofton se që mbrëmë deri në orët e vona ekipet dhe mjetet e angazhuara në terren bënë të mundur hapjen e rrugës së njësisë administrative Selishtë ku trashësia e dëborës arrin në disa dhjetëra centimetra, e njëkohësisht vazhdon puna për hapjen e rrugëve të brendshme të fshatrave të kësaj njësie.
“Po punohet edhe në njësitë administrative Arras, Luzni, e do të vijojë në të gjitha njësitë e fshatrat e bashkisë Dibër deri në hapjen e çdo segmenti rrugor e normalizimin e situatës”, thuhet në njoftim. /j.p/r.e/
