TIRANË, 2 mars /ATSH/ Ministrja për Europën dhe Punët e Jashtme, Olta Xhaçka zhvilloi sot një bisedë telefonike me ministrin e Punëve të Jashtme të Gjermanisë, Heiko Maas.
Nëpërmjet një reagimi në rrjetet sociale ministrja Xhaçka u shpreh mirënjohëse për mbështetjen gjermane për Konferencën e Parë Ndërqeveritare.
Ajo u shpreh se zgjedhjet e 25 prillit janë një moment i ri për reformat e integrimit, teksa shtoi se Reforma në Drejtësi është e pandalshme.
“Bisedë shumë e mirë me ministrin e Jashtëm gjerman Heiko Maas. Mirënjohës për mbështetjen gjermane për Konferencën e Parë Ndërqeveritare. Zgjedhjet e 25 prillit, një moment i ri për reformat e integrimit. Reforma në Drejtësi e pandalshme”, u shpreh Xhaçka në reagim. /j.p/r.e/
