PRAGË, 2 mars /ATSH-DPA/ – Qeveria çeke ka urdhëruar teste të detyrueshme të koronavirusit masiv në të gjitha ndërmarrjet e mesme dhe të mëdha.
Qeveria e kryeministrit Andrej Babis i miratoi këto masa në një takim kabineti.
Ndryshimet kërkojnë që rreth 2,1 milionë punonjës të testohen të paktën një herë brenda dy javëve të ardhshme.
Pas kësaj, do të aplikohen intervalet javore. Përjashtohen bizneset e vogla me më pak se 50 të punësuar.
Qeveria po u përgjigjet thirrjeve për veprime më të forta që duhet të ndërmerren kundër përhapjes së koronavirusit të ri në zyra dhe fabrika.
“Ne nuk jemi duke ndaluar industrinë”, u përgjigj ministri i Ekonomisë Karel Havlicek.
Pjesëmarrja në teste është e detyrueshme për kompanitë dhe punonjësit.
Virusi ka goditur veçanërisht rëndë Republikën Çeke.
Që nga fillimi i pandemisë ka pasur më shumë se 1,2 milionë infeksione të konfirmuara dhe gati 20 500 vdekje në shtetin anëtar të BE me 10,7 milionë banorë. /os/
