TIRANË, 28 shkurt /ATSH/ Kreu i grupit parlamentar të Partisë Socialiste, Taulant Balla publikoi sot një video ku tregohet transformimi rrënjësor që ka pësuar Gramshi gjatë qeverisjes së PS.
Balla thekson se Gramshi ishte i diskriminuar gjatë qeverisjes së PD, ku pati mungesë investimesh.
“Mirëmëngjes dhe me këto pamje të Gramshit si e gjetëm vetëm para disa viteve, tërësisht të harruar dhe me Gramshin që kemi sot, ju uroj një të diel të bukur”, shprehet Balla.
Në qytetin e Gramshit gjatë këtyre viteve qeverisje janë kryer një sërë investimesh që prej infrastrukturës rrugore në qytet, tek rrugët rurale e deri tek rehabilitimi i sheshit të qytetit që tashmë ofron një pamje dhe mjedis modern ku qytetarët kalojnë kohën e lirë.
