Reshjet e dëborës/ Bashkia e Pukës vijon kriposjen e akseve rrugore

TIRANË, 13 janar/ATSH/  Bashkia e Pukës po vijon punën mbrëmjen e sotme për kriposjen e akseve rrugore Qafë Qerreti – Qelëz dhe Qafë Qerreti – Qerret.

Teksa temperaturat kanë pësuar rënie të ndjeshme duke krijuar shtresa të rrëshqitshme mbi trupin e rrugës, punonjësit e bashkisë po hedhin kripë në rrugë.

Bashkia e Pukës shprehet se është domosdoshmëri që gjatë ditëve në vijim drejtuesit e mjeteve të mos lëvizin pa praninë e elementëve teknikë që ndihmojnë automjetet për lëvizje në terrene të rrëshqitshme.

Gjatë ditës së sotme bashkia e Pukës ka vijuar gjithashtu punën për rikthimin në normalitet të akseve rurale në njësinë administrative Luf-Qerret.

/k.s/a.a/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.